Ի՞նչը կարող է նյարդայնացնել մարդուն

 ԱՄՆ բնակիչներն առանձնացրել են 2012 թվականին իրենց ամենաշատը նյարդայնացրած խոսքերն ու արտահայտությունները:Նյու Յորքի Մերիսթի քոլեջի հասարակական կարծիքի ինստիտուտի կողմից անցկացված հարցումը ցույց է տվել, որ այդ երկրի բնակիչներին ամենաշատը նյարդայնացնում է «կարեւոր չէ» (whatever) խոսքը: Նրան դեմ են արտահայտվել հարցվածների 32 տոկոսը:

Հակավարկանիշի երկրորդ տեղը զբաղեցրել է «իբր» (like) բառը: Այն ամենանյարդայնացողն է համարել ամերիկացիների 21%-ը: Իսկ «լավագույն» եռյակը եզրափակել է «դե, դու գիտես» (you know) արտահայտությունը: Այն ատել են հարցվածների 17%-ը, հաղորդում է TOP News-ը:

«Նյարդայնացնողների» թվում են հայտնվել նաեւ «հասկացա քեզ» (gotcha) եւ «Համաշխարհային Թվիթեր» (Twitterverse) արտահայտությունները:

«Կարեւոր չէ» արտահայտությունն արդեն չորորդ տարին անընդմեջ համարվում է ամենանյարդայնացնող բառը, փոխարենն ամերիկացիները սկսել են համբերատար վերաբերմունք ցուցաբերել «լրջորեն» (seriously) բառի նկատմամբ` այն դուրս է մնացել ցանկից:

Հարցեր, պատասխաններ, մեկնաբանություններ